เมืองเหนือล้านนาผญาหลายนัก
เพื่อนพ้องน้องฮักจะขอขยาย
การกินอยู่นั้นเฮาแสนสบาย
บ่อว่าญิงจายขอเจิญฟังเนอ
ไม้กานหาบเปียดสะปายถุงย่าม
ผ้าซิ่นผืนงามทอใส่เสมอ
ตึงญิงตึงจายมีงานได้เจอ
ช่วยกันแต๊เนอหมู่จาวบ้านเฮา
ช่วยสืบสานฮีตฮอยตี๊ดีหลาย
มีมากมายโกมผญาดั่งเก๊าเสา
ฮักท้องถิ่นบ้านเมืองเนื่องนานเนา
บ่อมีเส้าหายสูญมากมูนมา
การอยู่กินมีธรรมนำจีวิต
ฮู้จักคิดดัดแปลงแลสรรหา
ของใดดีเก็บไว้ใช้อย่าต้อดลา
ประยุกต์มาแถมใหม่หื้อดีดี..
กำอู้จ๋าภาษิตจำมาใช้
ดนตรีไทยล้านนาเคยดีดสี
ฟังสะล้อซอซึงม่วนเต็มที
ฟังจ้อยซอน้องปี้ม่วนนักแก
ฝากลูกหลานล้านนาอย่าเลยละ
ของสะป๊ะของปู่ย่าและพ่อแม่
จ้วยเตื่อมตุ้มกันพ่องหนาหมั่นดูแล
หื้อเผยแพร่สู่สากลคนล้านนา
